El centru acoyó una llectura de poemes a cargu del grupu “Con Alevosía Teatro”
Esti
xueves pasau tuvo llugar una llectura de poemes na Casona del Bravial a cargu
d'Ernesto González y Paula Moya, de la compañía “Con Alevosía Teatro”,
que recitaron un refileru de poesíes, tanto en castellanu como
n’asturianu, rellacionaes col mundu de
la muyer y mui apegaes a la realidá y la crítica social. Esti actu
partió de l’Asociación de Muyeres Fontana de Blimea en collaboración col
Institutu Asturianu de la Muyer y l'Ayuntamientu de Samartín del Rei
Aurelio.
“Con
Alevosía Teatro” ye una compañía de Llaviana que nos sos 6 años de
trayeutoria tien desendolcaos trabayos pa tou tipu de públicu, tanto
infantil como adulto. Nes sos actuaciones busquen conxugar la so
interpretación con otres disciplines artístiques como la música, la
danza, les artes plástiques o nesti casu, la poesía. Ente los sos
espectáculos destaquen, per un llau, pal públicu infantil “Payasadas”,
“Sorpresa” o “El viaje inesperado”, y pal públicu adulto “Si pudiera...”
o “3017”.
La
llectura contó amás cola presencia de la conceyala de Cultura del
conceyu de Samartín del Rei Aurelio, Gema Suárez Torre, qu’abrió l’actu
xunto a Aida Corte Iglesias, presidenta de l’Asociación de Muyeres
“Fontana”.
No hay comentarios:
Publicar un comentario